28 июля 2019 года, в день памяти святого равноапостольного великого князя Владимира, День Крещения Руси, во всех приходах Златоустовской епархии будут совершены торжественные богослужения — Божественная литургия и особый молебен.
В этот день, епископ Златоустовский и Саткинский Викентий, примет участие в соборном богослужении в строящемся кафедральном соборе Рождества Христова г. Челябинска. По окончании литургии, там будет совершен молебен и чин освящение новых колоколов. Торжественные службы возглавит митрополит Челябинский и Миасский Григорий.
***
Молитва в День Крещения Руси
Триипоста́сный Бо́же, О́тче Вседержи́телю, Сы́не Единоро́дный, Спаси́телю ми́ра, и Ду́ше Святы́й, просвеща́яй и освяща́яй племена́ и наро́ды! И́же и влады́ку Земли́ Ру́сския, кня́зя Влади́мира, к све́ту и́стинныя ве́ры наста́вивый, и тем всю страну́ на́шу Креще́нием просвети́вый, и со́нмом святы́х, я́ко пресве́тлым звезда́м, не́бо Це́ркве на́шея украси́вшим, возсия́ти дарова́вый! И нам, смире́нным и недосто́йным ча́дом их, ны́не предстоя́щим сла́ве Твое́й и благода́рственное моле́бное пе́ние принося́щим в се́й [тысящеле́тный] день Креще́ния Руси́, вели́кую ми́лость дарова́вый, е́же сла́вити, хвали́ти и благодаре́ние приноси́ти Тебе́ за вся благодея́ния, бы́вшая на Руси́ от лет дре́вних и до ны́не. При́зри на ни́ву Твою́, Це́рковь Святу́ю, на страны́ и наро́ды, прее́мственно восприя́вшия ве́ру правосла́вную из еди́ной купе́ли Креще́ния в вода́х днепро́вских и ны́не принося́щих Тебе́, я́коже прекра́сный плод спаси́тельнаго се́яния Сло́ва Твоего́, ли́ки святы́х. Ти́и бо послужи́ша лю́дем свои́м ве́рою, наде́ждою и любо́вию, о́бразом сло́ва и жития́ указу́юще нам путь к соверше́нству по за́поведи Христо́вой: бу́дите у́бо соверше́ни, я́ко же и Оте́ц ваш Небе́сный соверше́н есть. Сохраня́юще сие́ свято́е насле́дие их, мо́лимся Ти, Жизнода́вче: спаси́ и поми́луй нас, мир ми́ру Твоему́ да́руй и всему́ созда́нию Твоему́, его́же по грехо́м на́шим сыны́ ве́ка сего́ погуби́ти тща́тся. Ве́мы бо, я́ко не хо́щеши сме́рти гре́шников, но е́же обрати́тися и живы́м им бы́ти; при́зри на нас, во гресе́х пребыва́ющих, отврати́ гнев Твой, пра́ведно дви́жимый на ны, да́руй нам покая́ние и Твои́м неизрече́нным милосе́рдием поми́луй нас. Приими́ моли́твы и труды́ на́ша о умноже́нии любве́ среди́ всех люде́й ми́ра сего́. Зе́млю на́шу огради́, вла́сти умудри́, вся уте́ши и умири́, Це́рковь Твою́ возрасти́, достоя́ние Твое́ соблюди́, му́жи и жены́, и младе́нцы благода́тию просвети́, и вся лю́ди Твоя́ в Правосла́вии и благоче́стии утверди́ моли́твами Пречи́стыя Влады́чицы на́шея Богоро́дицы и Присноде́вы Мари́и, си́лою Честна́го и Животворя́щаго Креста́ и Всех святы́х, в Земли́ на́шей просия́вших, да в едине́нии ве́ры и любве́ сла́вим Тя, Отца́ и Сы́на и Свята́го Ду́ха, во ве́ки веко́в.
